GoGo Blog

Дөрвөн улирал хоёр амрагийн дууль

http://doctor.blog.gogo.mn — Mon, 4 Jan 2010 09:00:16 ULAT

Харзны ус хагдарах хаврын урь орох цагаар нь,

Хамтдаа бидэн хоёрын сэтгэл сэргэдэг юм,

Хараа булаам охидын хажуугаар,

Харц унагалгүй өнгөрдөггүй билээ бидэн хоёр,

Урин дулаахан зун цаг ирэхэд нь,

Уул, ус, агаар бараадан зугаалах дуртай бидэн хоёр,

Ус л харагдвал угааж цэвэрлэдэг юм намайг,

Уул нь байнга ийм байдаг бол сайхансан,

Навчис шаргалтах намрын улирал айлчлан ирэхэд,

Нарлаж нэг, норж нэг өдрийг бардаг бидэн хоёр,

Наашилж яваа өвлийг бодохоор эзэн минь сэтгэлээр хямардаг ч,

Намайг л гэсэндээ шинэхэн тосоор ундаалдаг юм,

Өнтэй сайхан гэгддэг өвөл айлчлан ирэх цагт нь,

Өнхөрч биш гулгаж явдаг бидэн хоёр,

Өрөвдөх сэтгэлгүй өвлийн улирал нь,

Өдөр шөнөгүй бидэн хоёрыг хөлдөөхөөр улайрна,

Өнгө мөнгөнд шунасан зарим нэг нь,

Өчүүхэн жижиг гражаа өндөрт тултал үнэлнэ,

Өнгөгүй цагаан өвлийн улирал дуусахыг хүлээж,

Өдөр хоногийг тоолон хаварлуу тэмүүлнэ бидэн хоёр

Би нэг удаа галзуураад

http://doctor.blog.gogo.mn — Mon, 23 Nov 2009 09:00:41 ULAT

Эртээ урьдын цагт энэ биеээ залуу байхад би гэдэг хүн чинь яг галзуураад, эмнэлэгт хэвтдэгийн даваан дээрээ гэнэт ухаарч эдгэрч байсан удаатай.

Юунаас болж галзуурсан бэ гэхээр мэдээж компьютер тоглоом. Намайг залуу байхад чинь одоо Монголд ПС тоглоомын газрууд ид хүчийг авч би гэдэг хүн чинь халаасан дахь хэдээ очоод гөвдөг байлаа.

Тэгээд гэнэт дургүй хүрээд шинэ бизнес эхлэх гээд толгой нь гашилж явсан эгчийгээ ятгаж Тоглоомын газар нээлгүүлээд авдаг гэж байгаа. Цаад атгаг санаа бол мэдээж өөрөө тэндээ эзэн сууж тааваар жаргах санаатай. Компьютер А ч мэдэхгүй эгч маань дүү бид 2т бүхнийг даатгаад өөрийнхөө ажлыг бодов, тавьсан шаардлага нь хурдан зарцуулсан мөнгө гаргаж өгөх.

Би гэдэг хүн чинь хичээлийн хажуугаар нөгөөхөө ажиллуулж гарлаа даа. Зав гаруул өөрөө тоглоол завсар гарвал өөрөө хоноол нэгэн хавар, нэгэн зуныг үдсэн тэр нэгэн намар бүх юм эхэллээ дээ.

Шөнө унтахаараа нөгөө хэдэн тоглоомон дотроо байлдаад, өдөр гадуур явахаар хий юм хараад. Яг 1 сар солиордог дээрээ тавиад ёстой л өөрөө саналаараа шар хад явмаар санагдсан даа хөөрхий.

Нэг иймэрхүү хий юм сарын турш харсан даа. Хожуул харчаад хайрцаг, троллейбус харчаад төв үйлдвэр гэж хардаг. Зогтусаад нүдээ нухлаад харахад хожуул, троллейбус.

Бас болоогүй Wolfenshtein гэдэг тоглоомыг өдөр нь тоглоод шөнө нь зүүдлээстэй. Жинхэнэ солиорч өгсөн дөө.

1 өдөр 1 шөнө бясалгаад эргэлт буцалтгүйгээр зодог тайлсан. Хожим нь эргэж донтох шахсан ч өмнөхтэй нэгэн адилаар бясалгалын хүчээр эдгэрсэн удаатай.

Хөшилдсөн хүмүүст зориулав

http://doctor.blog.gogo.mn — Mon, 12 Oct 2009 09:30:32 ULAT

Та бүхэндээ эрүүл амьдрахад нь жаахан ч гэсэн тус болох үүднээс энэхүү багахан зөвлөгөөг хүргэж байна.

Техник технологи хөгжсөн хотын амьдралын дунд хөдөө нутгийн эрүүл цэнгэг агаар, амар тайван, эрч хүч оргилуулагч байгаль, нөхцөл байдал байдаггүй нь хэн бүхэнд илэрхий. Бетон ханатай хязгаарлагдмал байрнууд, зүлэггүй гудамж талбайнууд, агаарын бохирдол, Хог новшоор дүүрсэн замууд, Машины дохионы шуугиан, компьютерийн точигнох гарын, гар утасны дуу, гудамжинд шаагилдах хүмүүсийн хашхиралдаан орилолдоон. Цонхийн цайж, ядаргаанд орсон хүмүүс гудамжаар дүүрэн, Амьдрахын төлөөх зовлон, ажлаасаа халагдахаас айх айдас. Дээр нь хүмүүсийн залхуурлаас үүдсэн хөдөлгөөний дутагдалаас болж хүний бие улам эмзэг болж, тэсвэр тэвчээрээ алддаг.

Хөдөлгөөн дутагдалаас болж хүний биед олон өөрчлөлт гарч өвлөмтгий эмзэг болдог бөгөөд дараах өвчнүүдийг тусах нь элбэг тохиолддог.

Зүрх судасны өвчин
Цусны даралт ихсэх өвчин
Чихрийн шижин
Бүдүүн гэдэсний хорт хавдар
Таргалалт
Ясны сийрэгжилт
Сэтгэл гутрал
Нойргүйтэл

За тэгээд эдгээр өвчнүүдийг хараад байхад хамгийн өөдгүй зовлонтой өвчнүүд гэдэг нь амьдрал дээр батлагдсан. Энгийн жишээ гэхэд миний мэдэх нэг хүн Чихрийн шижин өвчтэй, идэж уухаас эхлээд маш зовлонтой нь мэдэгддэг. Иддэг хоол нь гэвэл шар будаа, өөр хоол идэхээр бие нь муудаад хэвтчихдэг. Ийм зовлонтой амьдрана гэдэг там биш гэж үү?

Энэ бүгд зөвхөн залхуурал хөдөлгөөн бага хийдгээс болдог гэхээр хүн өөртөө л бурууг өгөхөөс аргагүй юм. Харин хөдөлгөөний идэвхитэй байхад юу юуг хийж болохыг зөвлөж байна.

Явган явах
Гүйх
Усанд сэлэх
Бүжиглэх
Аэробикээр хичээллэх
Спортоор хичээллэх
Дугуйгаар явах
Хөл бөмбөг, сагсан бөмбөгөөр тоглох

Эцэст нь хэлэхэд хүн хөдөлж үхдэггүй, хөшиж үхдэг гэдэг.

Шартсан, Халуурсан хүний тэмдэглэл

http://doctor.blog.gogo.mn — Wed, 30 Sep 2009 12:09:48 ULAT

За би гэдэг хүн чинь хавь ойрд хатуу хүтүү юм амсаагүй байжийгаад хэсэг хийморь нь сэргэсэн хүнийг өндөр байшингийн орой дээр тосоодохсон чинь яасын мэдэхгүй 3 хоног дампуурч ууваа хөөрхий.

Тэгээ саяны 1 дэхь өдөр халтаа хийж хуриманд уригдсан яасан, тээр жилийн Тамжидын найрыг тараадаг шиг юм болоод нэг мэдсэн гэртээ хэвтжийдаг байгаа.

Нээрээ хурим гэснээс хуримыг чинь өдөр судрыг нь тааруулжийгаад гадаа хийвэл тасархай болдым байна таминэээ. Хотоос холгүйхэн Ривер Бийч гэж газар бас байдын байна, тэнд чинь хуримыг бол хийж бас болж байна.

За тэгээд хурим ид дундаа ороод хүмүүс ерөөл сургаалиа хайрлаал сайхоон сайхан. Тэр дундаас нэг настай хүний хэлсэн үг сэтгэлийн угт зоогдсон гэжийгаа. "Цувж уурлаж, Цугтаа инээж яваарай" энэ үгийг бол бүх хосууддаа хэлчмээр санагджийна. Та нар марталгүй санаж яваарай.

Тэгээл байжийтал бас нэг ах хүү сургаалиа хэлэх болсон чинь бас нэг ийм юм хэлжийна, түрүүнйий үгнээс санаа авсан болтой "Галаа битгий унтраагаарай, Ганцаараа битгий уурлаарай". Ганцаараа байхдаа хүн уурлах хэрэг байгаа ч уу үгүй ч уу бас л бодмоор.

Тэгээл хурим сайхан би согтоостой, өглөө нь харин ёстой дашням балжинням давхацдаг гэжийгаа, Шартаад дээр нь ханиадны хэлтэрхий тусаад халуураад наачдым даа. Хамгийн балай нь дотор аймар арзайсан хэрнээ согтуу хүн шиг ухаан санаа орон гаран, яажийгаа ч мэдэхгүй, яамар ч арга хэмжээ авч чадахгүй өдөржин хэвтээстэй.

Ёстой аймаар, хожмоо дахин бүү үзэгд гэмээр юм билээ.

Дургүй зэвүүг зэрэг хүргэж яадаг байнаа

http://doctor.blog.gogo.mn — Fri, 11 Sep 2009 12:49:06 ULAST

Өчигдөр би гэдэг хүн ажилаа тараал алжааж ядарснаа умартаал өөрийгөө хамгийн гоё ааштай дээрээ тохируулчаад сүүлийн үед сонсдог болсон Испани СД-ээ хийж чангалаал их хотынхоо их түгжээнд гэлдрээл явжийлаа шд. Нээх гоё Испаринзо, мамасито гээл аялаад явжийлаа шд. Тэгсэн яасан зүв зүгээр бөглөөнд зогсжийсон намайг ТҮК хийтэл мөргөдиймдаа арын машин. Оо яажийнаа гээл буугаад хартал өвөө нь байнаа гэдэг шиг нэг ах хүү инээгээд ард зогсжийно. Гавъяа байгуулцым ш бяндуу чинь.

Би : Яаж яваад байнаа? (Машин гайгүй хэдэн хар зураас байхаар нь нээх уурлалгүй асуусын )

Ах : Өөө ашгүй чинийх гайгүй байна. Ахынх нь машин зүгээр байна уу хараад өг гээд машинаасаа ч буухгүй байвал яахуу?

Би : Хамгийн муухай ааштай дээрээ тохируулж байгаад, Битгий хуц, өөрөө харахгүй юу гээл яваад өгсөн. (Эцсийн эцэст би мөргөсиймүү мөргүүлсиймүү шал дургүй хүргэдийн мишоок чинь)

Тэгээл дөнгөж хөдөлсөн чинь урд талын машин явкуу хүн аваад зогсчдиймдаа, уурлаж яджыхад улам бачимдуулаад.

Тэгсэн яасан уурласан уурандаа замын хажууд зогсжийсон охинлуу цэхэлзээ хаяцан. Харц нь далдис гээл явцан, хөөрхийг хэтрүүлчих шиг болсон. Блогоороо дамжуулаад уучлалт гуйчий.

Өчдөр оройжин хүзүү толгой хөшөөд өглөө эмнэлэг орсон яасан, тархи хөдлөөд хүзүүний булчин чангараастай.

Эцсий эцэст зүгээр байхад зүгээр байлгахгүймаа, Инээвэл хэн чиг л инээж чадышд.

Нохойн баас

http://doctor.blog.gogo.mn — Mon, 7 Sep 2009 22:27:40 ULAST

Өнгөрсөн өдрүүдэд огцом хүйтрээд хүмүүсийг багагүй сандаргаад авлаа. Харин өнөөдөр тэнгэр гийж хамаг л дулаанаараа хувцасласан хүмүүсийг халууцуулаад авлаа. Хотын төвд хүмүүс ч их машин ч их бум бужигнаж түм түжигнээд халуу нар шатаагаад л.

Гарах ажил гараад явган алхсан нь хамаагүй хурдан байсан болохоор зорьсон газарлуугаа алхлаа. Тэнгэр сайханд алхаад л тэрүүгээр энүүгээр явж байгаа хүмүүсийн яриа тодхон сонсдоод л.

Хажуугаар зөрсөн 2 залуу ингэж яриж байхын: Үнэндээ монголын шашин бол Будда л байхгүй юу тийм биздээ (Гудамжинд алхаж ярихад зохимжгүй юм шигээ.)

Хажуугаар зөрсөн бүсгүй утсаар ярьж байна: Тараад би завгүй ээ, найзуудтайгаа нэг газар сууна (Цаана нь нэг залуу болзоонд урьж байгаа болтой.)

Харин тэнд 2 гадаад нөхөрийн нохой нь гудамжинд баагаад элгий нь авч байна. Сандралдаад л нохойгоо загнаад, нөгөөх нь сандраад суурин дээрээ эргээд нээх хэцүүдэлтэй, бааж дуусангуут салфеткаар цэвэрлэж байна. Харийн хүмүүс манай хотыг цэвэрхэн байгаасай гэж бодож байхад манайхан харин гудамжинд дуртай газраа хогоо хаяаад өрөвдмөөр ч юм шиг.

Ажилаа бүтээчээд буцаад алхтал хажуугаар зөрөх охин хөгжим сонсон амандаа: Дончууу вишэээ голпром воос хоот лайт мий Дончааааааа Дончааааа гэсээр зөрлөө.

7,8 сарын солилцоо наймаа НБА-д

http://doctor.blog.gogo.mn — Sun, 30 Aug 2009 23:20:14 ULAST

За сагсанбөмбөг сонирхогч бас Америкийн үндэсний сагсанбөмбөгийн холбооны тоглолтыг шимтэн үздэг залуусдаа өмнө бичсэний үргэлжлэл болгон 7,8 сард хийгдсэн онцлох солилцоо наймааг сонирхуулъя.

1.Jamal Crawford Atlanta Hawks-д ирлээ. 2000 онд драфтлагдаж орж ирж байсан ба түүний хувьд хувийн амжилтын оргил үе бол New York багт байсан үе нь юм. Өнгөрсөн улиралд Golden State Warriors-д очсон боловч бэртэл гэмтэл, тоглогчдын байрлалын давхцал зэргээс хамаарч төдийлөн олон тоглолт хийж чадаагүй.

Түүний солилцоонд Speedy Claxton, Acie Law IV нар Golden State Warriors багт хүрэлцэн ирсэн.

2. Shawn Marion Dallas Mavericks-т ирлээ. Карьерийнхаа ихэнх мөчүүдийг Phoenix Suns багт өнгөрүүлсэн. Магадгүй хамгийн оргил амжилт нь тэнд л үлдсэн энэ тоглогч ээлжит багтаа ирлээ. Phoenix Suns багаас явснаас хойш Miami, Toronto багуудад ирсэн хэдий ч амжилт нь буурсан.

Одоо Dallas Mavericks-д хэрхэн тоглохыг ирэх улиралд хамтдаа үзэх л үлдсэн. Магадгүй түүнээс өндөр үзүүлэлт биш харин сайн туслагч байлгахыг хүсэж багтаа авсан байж болохым.

3. Hedo Turkoglu. Энэ тоглогч өнгөрсөн улиралд өөрийгөө цоо шинээр таниулж чадсан. Довтлогчийн байрлалд тоглодог хэдий ч тоглолтын зохион байгуулалтыг холбон тоглогчоос дутахааргүйгээр гүйцэтгэж өөрийн ихэнх үзүүлэлтийг сайжруулсан мөн өөрийн үнэ цэнийг нэмэгдүүлсэн. Orlando Magic-д Vince Carter ирсэнээр магадгүй багийн цалингийн хэмжээ хэтрэх эсвэл тоглогчдийн үүрэг байрлал давхцахаас сэргийлж баг нь үлдээх гэж хичээгээгүй байж болох юм. Portland Trail Blazers-д очих шахсан хэдий ч эцсийн дүнд Toronto Raptors багт ирлээ.

Харин ирэх жил Toronto Raptors ямар амжилт гаргах бол плэйофф-д үлдэж чадах эсэхийг үзэх л үлдлээ.

4. Ron Artest , Trevor Ariza хоёр багаа тохиролцсон юм шиг сольчихлоо. Trevor Ariza-ийн хувьд өнгөрсөн улиралд өөрийгөө шинээр таниулж тэр ч хирээр Los Angeles Lakers багийг аварга болоход туслалцаагаа үзүүлж чадсан.

Ron Artest-ийн хувьд Houston Rockets багийг Лидер тоглогчдоо эзгүйд хагас шигшээ хүртэл чирж явсан гэхэд болно.

Ингээд өнгөрсөн улиралд Kobe Bryant-тай багагүй муудалцсан одоо харин нэг багт алба хаахаар боллоо. Хэр таарамжтай байх бол ?

5. Rasheed Wallace Boston Celtics-д ирлээ.

Өнгөрсөн плэйофф-д Kevin Garnett-гүйгээр , сайн төвийн тоглогчгүйгээр хол явахгүй гэдгээ ухаарсан Boston Celtics ч би ч ойлгосон.

Ирэх жил дэггүй тоглогч маань Boston Celtics-чуудад яаж туслахыг хүлээе.

6. Andre Miller Portland Trail Blazers багт ирлээ. Сүүлийн хэдэн улиралд дандаа шинэ залуу тоглогчоор хүч сэлбэсэн багт туршлагатай багийг удирдах тоглогч дутагдаж байсан. Харин энэ үүргийг Andre Miller гүйцэтгэж чадна гэдэгт итгэж байна.

Магадгүй плэйоффийн хагас шигшээ түүнээс ч илүү амжилт үзүүлэх боломж энэ багт байгаа. Одоо харин дасгалжуулагч Nate McMillan хэр байхаас энэ багийн амжилт хамаарна.

За тэгээд олон олон наймаа хийгдсэн ч гэсэн эдгээр наймаа багтаа ямар нэгэн өөрчлөлтийг авчирна гэж таамаглаад түүж оруулсаныг ойлгоно буй заа, Ирэх улирал мааш сонирхолтой болно гэдэгт итгэлтэй байна.

Хэнд нь итгэх вэ?

http://doctor.blog.gogo.mn — Thu, 27 Aug 2009 17:33:45 ULAST

За ойрдоо ч зав муутай, залхуу хөдлөөд бодсон санасан олон зүйлс байгаад ч боловсруулж найруулаад бичиж амжихгүй таваргаж явна. Амьдрал хөвөрсөөр л, ажил ундарсаар нэг л хэвийн байна даа. Цагаа олсон зам засварын буянаар, цагдаа ахын хичээнгүйлсэн тусламжтайгаар цаг заваа харин ч нэг барж байна ойрдоо. Яадаж байхад манай ажлыг тойроод л засаад байхын, орчин тойрон гэж орвонгоороо эргээд овоолгоостой их шороонууд л байхын.

За баахан оршилдчихлоо одоо үндсэн сэдэвтээ орьё. Өнөөдөр уулзвар дээр зогсжийсон чинь урд байгаа машины дээгүүр л цагдаагийн дохиур цухалзаал байлаа. харсан чинь 2 дохиур зэрэг л савчаад байхын. Би бодлоо одоо алиных нь зааснаар явдым болдоо гэж. Хараад байсан чинь харин нэг бүдүүн дарга цагдаа нь удирдаад нөгөөх нь дуурайжийшд. Хэрвээ 2 өөрөөр зохицуулсан бол хэнд нь итгэж явдын байгаан?

Тэгээл уулзвар нэвтрээд явжийсан чинь 2 даж охин машинаа түрцэн явжийдий, ёстой зохихгүй харагддым байна лээ.

хийморь сэргээсэн нь буюу царван утлага

http://doctor.blog.gogo.mn — Wed, 19 Aug 2009 10:18:41 ULAST

За би гэдэг хүн чинь өдрийн сайныг өнжин хүлээж сарын сайныг саатан хүлээлгүйгээр гэнэт шийдээд Богд хан уулынхаа ноён оргилд гарч хийморио сэргээчээд ирлээ.

Миний нэг үй зайгүй журмын нөхөр гадаад улсад амьдран суухаар найз бүсгүйтэйгээ хамт намайг орхиод явахаар болсын. Журмын нөхөр ч явахаасаа өмнө өссөн нутгийнхаа салхийг амьсгалж нөмөрт нь өссөн уулаасаа хийморь авахаар шийдлээ. За тэгээд, үүрийн 5 жингээр хэсэг нөхдийг гэр гэрээс нь цуглуулаад төв аймгийг зориод давхичихлаа. Ийш тийшээ зугаалах хүмүүст зөвлөхөд өглөө үүрээр замд тааралдсан бүх постны хүмүүс нь унтаастай татварын мөнгө хэмнээстэйм байна лээ дээ гэж. Харин тэр пост болгон дээр татвар авах шалтгаанаа “Улсын чанартай зам ашигласны хураамж ” гэж томоос том бичсэнийг уншаад нээрээ ч тийм юмуу гэж бодогдох шиг. Замдаа мөн ч олон харайлгасандаа хөөрхий.

За тэгээд Манзушир орчоод машинаас буугаад хартал нэг нөхөр маань костьюм, лак-н гуталтай байгаа харагдхымдаа, бодвол сэтгэл нь догдлоод орой өмссөн хувцастайгаа унтсан болтой. Цэцээ гүнлүүгээ мацахаар алхатал үүрээр хаанаас ч юм нэг залуу гарч ирээд л урд том том алхаад явж өгөв. Бидэн 4 ч нээх тоолгүй алхаал байлаа.

Замынхаа 1/3-д залууг гүйцээд хаашаа явжийгааг асуутал урд өдөр нь гар утасаа гээснийгээ хайж байгаа болтой. Бид 4 ч урд нь ороод алхаа явчлаа, юмыг яаж мэдхүү хийморь сэргээд олзтой ч буцхын билүү. Явж үзээгүй хүмүүст зөвлөхөд заавал очиж үзээрэй, замдаа олон сайхан зүйлтэй таарна. Гишгэсэн газрын чинь доор ус урсана гээд боддоо. Чи алхаал ус доор чинь хоржигноод л.

Оройд нь гартлаа газар ширтээстэй, нүд ширгээстэй явсан боловч юу ч олсонгүй. Зорилгоо умартсан бидний хэсэг нөхөд гэнэт ухаарч овоондоо өргөх идээгээ өргөж арц хүжээ уугиулахаар ачаагаа уудаллаа. Гэтэл нэг нөхөр муухай чарлаал явчив. Асуутал эхнэр нь өглөө нойрмог арцны оронд царван өгөөд явуулчиж.

2258 метрт мацаж гарч ирсэн хүний хувьд хэцүүхэн л байсан байхдаа хөөрхий, ккк.

Дээшээ тэнгэр ойрхон, доошоо үүл ойрхон байлаа.

Нэг иймэрхүү байдалтай хийморио сэргээчээд буцсандаа, царвангаар утаж хийморио сэргээх ч дажгүй шүү. Аялал тун хурдан буюу өглөө 6-аас хотоос хөдлөөд 7 цаг гэхэд Манзушир талаас авиралт эхэлсэн. 11 цаг өнгөрч байхад оргилдоо гарч жаал амраад буухад 14 цаг болжийсон. хотод ирэхэд 15 цаг болжийсон бөлгөө.

Өвөр Монголын Одон телевиз Спорт хорооноос үзүүлж байна.

http://doctor.blog.gogo.mn — Thu, 6 Aug 2009 09:15:02 ULAST

Жиа өнөөдөр манай өвөр монголын одон телевизийн спорт хорооны нэвтрүүлгээс америкийн сагсан бөмбөгийн холбооны бас нэгэн шийдвэрлэх тулааныг толилуулж байна. Манай тэмцээнийг өнөөдөр спорт хорооны тайлбарлагч Баатар, Залуучууд хорооны багш Гэрэлт тайлбарлана.

Баатар: Талбайд манай алдарт Яо Минээр ахлуулсан хьюстоний пуужин анги, Лос анжелсийн Нуурын хөвөө анги гарч иржийна. Манай Яо мин болбоос Пуужин ангидаа тэргүүлэх нуруулаг болохоор хянагчийн шидсэн бөмбөгөнд үсэрдэг.

Гэрэлт: Нуурын хөвөө ангиас Газол шийдвэрлэх бөмбөгөнд үсэрхээр гарч ирсэн байна. Чи юу гэж боджийхиийн, хэн нь түрүүлж бөмбөгөнд хүрэх бол? Лавтай манай Яо Мин илүүрхэх байх гэж тааж байна.

Баатар : Хянагчийн исгэрээн дуугарчийна, манай Яо Мин давамгайлан бөмбөгийг авлаа. Чи зөв таамаглаж, манай тамирчин давамгайллаа. Бөмбөгийг Пуужин ангийн холбон тоглогч Бруукс авч явжийна.

Гэрэлт : Бруукс нь Пуужин ангийн гавшгай хурдан бөмбөг наадуулагч учраас Бруукст бөмбөг өгөх нь лавтай юм.

Скол самбарт ойрхон шахзалдаж байна. Скол-д бөмбөгийг өгжийхийн, Скол бачим шахаж бөмбөгийг сагсаллаа. Пуужин анги эхний бөмгөгийг амжилттай оруулж тоглоомыг илүү давамгай эхлүүлжийнэ.

Баатар : Одоо Нуурын хөвөө анги бөмбөгөөр наадна. Нуурын хөвөө ангийн холбогч фишер бөмбөгийг наадуулж байна. Фишер нь өнгөрдөг жил Ютагийн хөгжимчин ангид алба хаасан боловч Нуурын хөвөө ангидаа эргэн ирсэн. Фишерийн нэрээг манай Монгол хэлнээ буулгавал загасчин хэмээх үнээр сонихон нэр болдог.

Гэрэлт : Бөмбөгөө ангийн манлайлагч Коби-д өгж байхын. Коби нь Ангиа манлайлж 3 удаагийн тэргүүн байрт шалгарчийсан үлэмж чадалтай тоглогч юм. Коби бөмбөгөө наадуулж Батээрийг хуурч 3 алдын чандаас бөмбөгийг сагсалж оруулжийна. Коби үнээр бахдам тоглож эхэлжийна.

Гэрэлт : Одоо Пуужин ангийн Бруукс бөмбөгөө наадуулжийна. Бөмбөгөө Артестад дамжуулжийна. Артест нь Пуужин ангидаа хамгээн бачим ууртай тоглогч юм. Зарим наадамд нянагчтай муудаж шийтгэл хүлээх нь зөндөө. Артест бөмбөгөө нааджийна, нэг тоглогчийг молигодлоо, 2 дахь тоглогчийг молигодоод 2 алдаас чулуудчихийм. Ээээээээээээээ хажуугаар нь тавьчлааа.

Баатар : Эндээс ажхад Пуужин анги, Нуурын хөвөө ангийн наадам үнэхээр ширүүн болох шинжтэй. Бөмбөгийг гавшгай хурдан Бруукс наадуулсааар Манай Яо Мин-д өгч байна. Ээээ чаваас даа манай Яо Миний бөмбөгийг Нуурын хөвөө ангийн Ариза хулгайлчлаа шүү. Бөмбөгийг хурдан наадуулсаар Газолд шилжүүүлж агаарт нь амжилттай сагсаллаа.

Урд нь Нуурын хөвөө ангийн Манлайлах өндөр тоглогч нь Онил байсан. Бүр хуучин Онил нь Орландогийн шидтэн ангиас Нуурын хөвөө ангид ирсэн. Одоо харин Миамигийн Галт бөмбөг ангид алба хааж Бачим амжилт үзүүлж Тэргүүн байрт нэг удаа шалгарсан.

За нэг ииймэрхүү л тайлбарлах байсан байхдаа гэж.

6 сарын солилцоо наймаа НБА-д

http://doctor.blog.gogo.mn — Tue, 4 Aug 2009 15:54:59 ULAST

За сагсанбөмбөг сонирхогч бас Америкийн үндэсний сагсанбөмбөгийн холбооны тоглолтыг шимтэн үздэг залуусдаа багахан мэдээлэл хүргэе. Өнгөрсөн оны улирлын тоглолт, плэйофф ер нь л бүх зүйл нь олны анхаарлын төвд байсан нэгэн улирал дуусч тоглогчид амралтаа авч харин шинээр драфтлагдаж гарсан тоглогчид амрах завгүй зуны лигт хүч үзэж байна. Үүний хажуугаар багуудын менежерүүдийн ажил ид эхэлсэн гэхэд болно. Өнгөрсөн онд баг нь аль талаараа хүч сул байсан ямар хүчээр багаа зузаатгах вэ гээд л толгой гашилгах олон зүйл ар араасаа цуварсан.

Ингээд эхний ээлжинд 6-р сард болсон хамгийн сонирхол татсан тоглогчдын солилцоог танилцуулж байна.

1. Алдарт Shaquille O'Neal маань Cleveland Cavaliers багт ирж Lebron James-тэй хамт аваргын бөгж зүхээр мөр зэрэгцэн зүтгэхээр болсон. Shaquille O'Neal = Ben Wallace + 2010 оны драфтын 2-р тойргийг авах эрх. Энэ наймааг сайн болсон бас муу болсон гэх мэтээр хүмүүсийн бодол 2 хуваагдсан гэхэд болно. Өнгөрсөн плэйофф-д Orlando Magic багт төвийн тоглогчийн байрлалд дээрэлхүүлснээсээ болж хожигдсон гэхэд болохоор байсан учраас багийн менежерүүд домог болсон төвийн тоглогчийг багтаа элсүүлсэн байх. Хамгийн сүүлд Phoenix Suns багт ирээд тийм сайн тоглож чадаагүй , ирэх улиралыг дуусгаад зодог тайлна гэдгээ мэдэгдээд байгаа Shaquille O'Neal маань хэрхэн тоглохыг ирэх улиралд л харах үлдлээ.

2. Orlando Magic баг хэний ч санаанд оромгүй наймааг хийж чадлаа. NBA-ийн шилдэг тоглогчдын нэг Vince Carter-ийг өөрийн багийн эгнээнд нэгтгэснээр дэд ирэх жилд аваргын төлөө эргэлт буцалтгүйгээр довтолхоор шийдсэн гэдгээ харууллаа. Vince Carter + Ryan Anderson = Rafer Alston + Courtney Lee + Tony Battie.

Өнгөрсөн улирлын дорнод бүсийн аварга маань Los Angeles Lakers багт Финалын тоглолтод хожигдсон, хамгаалагчийн байрлалд хүч сул зэрэг байдлаас дүгнэлт хийснээр Vince Carter-ийг авсан байх. Харин одод нэгэн дор цуглаад амжилт үзүүлж чадах болов уу?

3. San Antonio Spurs-чууд залуу довтлогчоор хүч сэлбэж чадлаа. Ихэнх тоглогчдынх нь нас ахисан, сүүлийн 2,3 жилд тоймтой солилцоо наймаа хийгээгүй, баг нь плэйофф-ын 2-р шатнаас ахихаа болисон гээд олон асуудлууд San Antonio Spurs багт тулгараад байсан. Тэд Milwaukee Bucks багаас довтлогч Richard Jefferson-ийг нь авч чадлаа, ингэснээр довтолгооны тал дээр хүчээ зузаатгалаа, Richard Jefferson нь хурдан довтолгоон болон дундын зайн шидэлт, оноо авалтаараа боломжийн сайн тоглогч. Харин Richard Jefferson-ий оронд Bruce Bowen , Kurt Thomas , Fabricio Oberto нарын 3н тоглогчоо өгсөн. Fabricio Oberto нь Detroit Pistons багт солилцоогоор очиж оронд нь Milwaukee Bucksдовтлогч Amir Johnson-ыг авсан.

Өнгөрсөн 6-р сард хийгдсэн онцлох наймаануудаас эдгээр солилцоог онцолж байна. Удахгүй 7-р сард хийгдсэн онцлох наймаануудыг толилуулна.

Ганихрал

http://doctor.blog.gogo.mn — Tue, 28 Jul 2009 17:25:32 ULAST

Ганцаардлын гашуун амт цээжинд амтагдаж,
Гадаа халуун ч сэтгэл дотор хүйтэн,
Гал шиг биш ус шиг хүйтэн байна сэтгэл минь,
Ганцаардсан хэрнээ ганцаараа байхыг хүснэ.

Эрхээ эдлэхгүй ч ядаж хамгаалъя !!!

http://doctor.blog.gogo.mn — Thu, 14 May 2009 23:23:07 ULAST

Өчигдөр ажилаа тараад сайхан зүйл бодоод(Өлсөж байсан болохоор хоол хамгийн их бодогдож байлаа) гэртэээ ороод явчив. Гал тогоонд орж хоолоо аягалчаад зурагт харах санаатай том өрөөрүү алхав. Ширээн дээр шинэ содон зүйл харагдсан нь Сонгуулийн сонгогчийн үнэмлэх байлаа. Хороо явж авах санаатай байсан миний хувьд ашгүй дээ авчраад өгчиж гэж баярлаад үзтэл минийх байдаггүй шүү. Сүүлийн 20 жил хаашаа ч хөдлөөгүй намайг хасчиж. Гэнэт уур хүрээд хоолоо ч идэх сонирхолгүй болоод явчихсан. Өнгөрсөн орон нутгийн сонгуулиар минийх бас ирээгүй, би ч завгүй хөдөө явж таарсан. Мэдээж хэрэг Аав, ээжийнх бүрэн, ах бид 2-ийнх байдаггүй.

Ингээд л балиартаад байхаар чинь зүгээр байгаа хүний уур хүрдийм байгаа биз дээ. Хагас сайнд хороон дээрээ очиж нураана гэж бодож байгаа. Яадын би эрхээ эдэлмээр байна. Эдэлж чаддагүймаа гэхэд хэн нэгэнд хулгайлагдахаас хамгаалчихаж болно биздээ.

Залуусаа Саналаа өгөхгүй байлаа ч гэсэн өөрийн нэр дээрх үнэмлэхээ очиж аваад Эрхээ хамгаалаарай. Цаадуул чинь бантангаа зуурах гэж байна !!!!!!

Монгол хүний зан чанар буюу тал засаж зусардагсад

http://doctor.blog.gogo.mn — Tue, 28 Apr 2009 18:40:20 ULAST

Хот нам гүм чимээ аниргүй хүмүүс бүгд л хувь хувийн ажилаа амжуулсаар алхална, хөлхөнө. Гэхдээ энэ хүмүүсийн ихэнх нь нэг л зүйлийг бодож сэтгэлдээ тунгааж, эрэгцүүлж, хэрхэн шийдвэрлэхээ хэвээн сонгож ядан байгаа. Яагаад гэвэл энэ сонголтоос ирээдүйд болох олон зүйл хамаарна. Нэг үеээ бодвол нийгмийн зарим хэсэг аливаа зүйлийг бодож тунгаадаг болсон нь сайшаалтай.

Ингээд гарчигтайгаа холбоотой зүйлээ бичье. Одоо үеийн Монгол хүний мах цусанд хамгийн их шингэсэн зан чанар, бишээ мөн чанар ч гэж болох зүйлс бол зусарч, бялдууч, урваач, шарваач бас дээр нь нэмээд гуймтай, залхуу болсоныг хараад залуу хүнийхээ хувьд үнэхээр харамсаж бас дотороо бухимдаж сууна.

Магадгүй ийм зантай болоход Манжийн 220 жилийн дарлал мөлжлөг, дараа нь 70 жилийн Зөвлөлт засаг буюу Коммунизмын дарангуйлал онцгой нөлөөлсөн юм болов уу гэж бодогдох боллоо (Миний таамаглалаар 290 жилийн хугацаанд олон зүйл тэр дундаа хүний гени нилээд өөрчлөгддөг бололтой). Манжид дарлуулсан 220 жилийн туршид Монгол хүний сүлд хийморь, цог золбоо нь үгүй болж оронд нь өвлөж авсан зүйл бол номхон дорой (Бөөсөө ч алж чадахгүй болтолоо шашинд идэгдсэн байсан), зусардаж бялдуучлах. Харин дараагийн 70 жилд гээсэн чанар бол үнэнч шударга, үзэл бодолоо илэрхийлэх, олж авсан чанар бол Муу санаа, дотуур тамир (хаяагаа манах), бусдыг аялдан дагах. За тэгээд тус бүр дээр тоочоод байвал олон зүйл аль алин дээр нь нэмэгдэх л байх. Эргээд өнөөдөр болж байгаа зүйлрүүгээ оръё. Өдөр бүр шахам телевиз, сонингоор ерөнхийлөгчийн сонгуулийн мэдээлэл цацагдах боллоо. Өндөр, нам 2 хүний өрсөлдөөн ширүүхэн, хүчтэй явагдаж байна. Бие биенийхээ муу муухай булхайг олонд дэлгээд өнгөрсөн жилийн ОБЕГ-ын сайд дарга 2-ынх шиг биесээ илчлээд харин ч ард иргэдэд олзуурхууштай явдал болж байна. Магадгүй эдгээр баримтуудыг хуулийн байгууллага анхааралдаа авч байгаа байхдаа гэж найдаж сууна. Гэхдээ л үгүй болов уу гэх магадлал нь илүү үнэнд ойр байх.

Харин МАХН-аас нэр дэвшигчийн реклам сурталчилгаанд ашиглагдаж буй мөрийн хөтөлбөрөөс товчхон дурдвал :

Сурталчилгаа

1. Амьдрал сайхан байна, улс орон хөгжиж байна ( зусарч бялдууч, аялдан дагах зан чанар илэрч байна)

2. Сургалтын төлбөр үнэгүй болох (Гуймтгай, бэлэнчлэх хүслийн илрэл)

3. Эх орны хишиг тараах ( дахиад л гуймтгай, бэлэнчлэх хүслийн илрэл)

4. Хариуцлагатай, шударга (Хүлцэнгүй дорон шинж)

Миний буруутгал

1. Монгол улсын хүн амын хэдэн хувь нь ядуу зүдүү ядруухан амьдарч байгаа, өнгөрсөн жилүүдэд инфляци нь хэдий хэр өсөж, амжиргааны өртөг яаж нэмэгдсэнийг 2 сая 700 гаруй мянгуулаа бүгд мэдэж байгаа.

2. Өнөөдөр хөгжчихсөн, хөгжиж байгаа аль ч нийгэмд сайн боловсрол өндөр үнэтэй, хэдий хэрийн төлбөр төлсөн тэр хирээрээ хувь хүн хичээж чармайж суралцдаг. Үнэгүй юм эцэстээ үнэгүй л байдаг.

3. Хямраад улсын төсөвөө яааяа даа гэж байна. Томоохон ордууд эргэлтэнд ороод ашигаа өгтөлөө нилээд хэдэн жил хэрэгтэй. Хишиг тараах боломжтой ганц зам нь урьдчилж зээлээд барьцаанд нь ордуудаа тавих. Тэр мөнгөөр хүмүүс юу хийх бол, гэдэс нь өлсгөлөн ард түмэн хэд хоног цадталаа идэж уугаад л дуусах нь харамсалтай.

4. Энэ хүний засаглалын жилүүдэд бүх юм шударга байсан гэжүү? Хэдэн улс төрийн албан хаагч эрүүгийн хэрэгт нэр холбогдсон, хэд нь яллагдаж, хэд нь үнэнээр яллуулсан бол. Энэ хүн хэдэн хүний хандыг нь хага дараад, хэдэн хүнийг цааш нь харуулсан бол. Монголын баялагын хэдэн хувь нь гадагшаа урсаад, хэдэн хувь энэ хүний халаасанд орсон бол?

Энэ бүгдийг насаараа коммунизмаар хүмүүжсэн 50-аас дээш насныхан сурталчилбал хэн ч гайхахгүй байх. Харин ид шударгаар хөдөлмөрлөдөг насан дээрээ байгаа 20-30 насныхан хийж байгаад гутаж байна.

Аливаа асуудлыг мөнгөөр хийж, сурталчилж болноо, гэхдээ хувь хүний тууштай үзэл бодол гэж зүйл байдгийг залуу хүмүүс санаасай.

Хэзээ машин жолоодож сурах юм бол?!

http://doctor.blog.gogo.mn — Tue, 28 Apr 2009 09:10:33 ULAST

Гудамжаар хүмүүс нь алхаад л, замаар хөврөх машин хөвөрсөөр л ... Харин машин жолоодож яваа хүмүүс яажшуухан машин барьж явдаг бол ? Зам дээр тохиолддог, дайралддаг олон жишээнээс дурдаад үзье тэхүү?

1. Зам дээр дурайх зураасыг голлон эгнээ давхардаж явдаг жолооч

Энэ магадгүй хөдөө өссөн жолооч нартай хамгийн холбоотой байх. Хөдөөний ховил үүссэн замаар мордож явсаар байгаад сурчихсан байж магадгүй юм.

2. Холын гэрэлээ асааж явах дуртай жолооч

За даа бараг л хараа муутай байдын боловуу гэж бодогддышд. Жолооны үнэмлэх өгөхдөө бодох хэрэгтэй гэж бодож байна.

3. Автобусны буудал дээр зогсох автобус, микронууд зогсож зогсож байгаад яг машинууд зэрэгцээд ирэхээр давхцаад хөдөлдөг.

Үүнээс болж түгжрэл их үүсдэг. Энэ бол зүгээр л тэнэглэл.

4. Урд талд нь зам дурайгаад л хоосон байгаад байдаг, харин нэг машин 30км/ц түүнээс ч бага хурдаар гэлдэрнэ. Ард нь овооролдсон машинууд.

Энэ ч ур чадвар уу, нойрмоглол уу сайн мэдэхгүй юм.

5. Гэрэл солигдчихоод байхад л чичрээд урсаад байхыг яаана. Энэ харин монгол хүний яаруу адгуу зангынх байхдаа. Амжих гээд л чичрээд байна даа хөөрхий.

Хамгийн их осол гаргадаг үндэс гэж боддог.

6. Согтуугаар жолоо барих

Энийг буруутгахад хэцүү юмаа, яагаад гэхээр хэзээнээсээ Монголчууд айргаа уучаад л халамцуухан морио унаад давхидаг байсан шдээ. Энэ чинь хэдэн зуун жил сурчихсан хүмүүжил. За энэ наргиа байлаа хамгийн буруу зүйл

7. За тэгээд зогсоол дээрээ эвтэйхэн зай зайгаа олоод зогсоно гэдэг ч хэцүү дээ.

Энэ бол яс цусанд нь шингэсэн засрашгүй зүйл гэж дүгнэж байна. Монголчууд эртнээс л морио унаж ирээд уяан дээрээ уяадаг. Морьд нь эв зүйгээ олоод зогсоод сурцан, эзэн нь тэрэнд нь дасчихсан. Тэхээр буруутгахад хэцүү л юм.

Өнөөдөртөө ингээд дуусгая, бичээд байвал олон зүйл гарах байх. Хичээвэл засарч болох (удам дажсаныг ч мэдкүэ) л асуудлууд юм шиг санагддаг.

Army of the Pharaohs - Gorillas

http://doctor.blog.gogo.mn — Sun, 11 Jan 2009 16:41:43 ULAT

09-01-10 NBA тоглолтын тойм

http://doctor.blog.gogo.mn — Sat, 10 Jan 2009 15:20:30 ULAT

Өнөөдөр Хойд Америкийн Үндэсний Сагсан бөмбөгийн холбооны багууудын 11 тоглолт явагдаж өндөрлөлөө. Эдгээр тоглолтуудаас хамгийн сонирхол татсан тоглолт гэвэл Дорнод бүсийн тэргүүлж байгаа Клевланд Кавалиерс, Бостон Селтикс, өрнөд бүсийн тэргүүлэгч баг болох Лос-Анджелес Лакерс, Индиана пэсерс багуудын тоглолт байлаа.

Клевланд Кавалиерсчууд талбайдаа Бостон Селтикс багийг хүлээж авч тоглолтын эхний үеээс 10 онооны давуу байдал тогтоож чадлаа. Тоглолтын 4-р үеийн эхэнд тоглолтын хувь заяа шийдэгдсэн гэж хэлж болохоор байсан ба онооны зөрөө 20 болсон байлаа. Уг тоглолтод Бостоны их гурвал нийлээд 41 оноо авсан бол Кавалиерсаас Леброн жеймс ганцаараа 38 оноо авч багаа тэргүүллээ. Тоглолт 98-83 онооны харьцаатай өндөрлөлөө. Уг тоглолтод Бостоноос Кевин Гарнетт 18 Оноо, 15 с.б.а, 3 а.дамж, Кавалиерсаас Леброн Жеймс 38 Оноо, 7 с.б.а, 6 а.дамж, 4 б.тасл, 3 блк хийж тус тус багуудаа тэргүүллээ. Ингэснээр Клевланд баг Дорнод бүсийнхээ 1-р байраа хадгалж чадлаа.

Лос-Анджелес Лакерс, Индиана пэсерс багуудын тоглолтыг онцолсон шалтгаан бол энэ улиралд тус 2 баг өмнө нь нэг удаа учраа таарахад Индианачууд тоглолт дуусах мөчид самбараас ойж гарч байгаа бөмбөгийг хатгаж оруулсанаар 1 оноогоор ялалт байгуулж Лакерс багийн дараалсан 8 хожилыг тасалж байсан билээ. Өнөөдрийн тоглолт ч гэсэн өмнөх тоглолттой мөн адил тун сонирхолтой онооны харьцаа тун ойрхон болж өрнөлөө.

3-р үед Лакерсчүүд 10-аад онооны зөрөөтэй ялж явсан ч гэсэн 4-р үеийн сүүлд индианачууд оноог тэнцүүлж чадсан. тоглолт дуусахад 2 минут дутуу байхад 3 оноогоор дутуу явсан бөгөөд Индианаас Майк Данливи догтолгоо хийсэн боловч эсрэг баг хамгаалалтын алдаа гаргасан ба яг энэ мөчид бөмбөг цагирагаас ойж гарахад Жефф Фостер(Индиана), Владимир Радманович(Лакерс) нар бөмбөгөнд үсрэх үед хоорондоо мөргөлдөж Радманович талбай дээр зохисгүй авир гаргаж эсрэг багийн тоглогчийг түлхсэнээр техникийн алдаагаар торгуулсан. Энэ нь Индианачуудын хувьд оноог тэнцүүлэх сайхан боломж байсан ч торгуулийн 3н шидэлтээс нэг шидэлтээ алдсанаар 1 онооны дутуу болсон.

Тоглолт дуусахад 20 секунд дутуу байхад Индианаас Майк Данливи 3 онооны шидэлтийг амжилттай болгож оноог тэнцүүлж чадсан. Лакерсийн шилдэг тоглогч Коби Брайнт цаг дуусахад 3 секунд дутуу байхад уналттай шидэлт хийж бөмбөг цагираганд орсоноор Лакерсчүүд тэргүүлж эхэлсэн.

Индианагийн Жефф Фостер цаг дуусах мөчид шидэлт гүйцэтгэсэн боловч бөмбөг цагирагтаа хүрэлгүй Талбайн эзэд 121-119 онооны харьцаагаар ээлжит ялалтаа байгуулж чадлаа.

Өнөөдөр болсон бүх тоглолтуудын онооны харьцаа

Charlotte 87-93 Philadelphia

Memphis 82-103 Toronto

Atlanta 87-121 Orlando

LA Clippers 80-107 New Orleans

Houston 98-96 Oklahoma City

Boston 83-98 Cleveland

New Jersey 102-104 Milwaukee

Washington 86-98 Chicago

Detroit 93-90 Denver

Miami 119-115 Sacramento

Indiana 119-121 LA Lakers

Dallas 100-128 Phoenix

09-01-09 NBA тоглолтын тойм

http://doctor.blog.gogo.mn — Fri, 9 Jan 2009 15:25:00 ULAT

Өнөөдөр буюу монголын цагаар 2009 оны 1 сарын 9-ны өдөр(хойд америкт 1 дүгээр сарын 8-н) Хойд Америкийн Үндэсний Сагсан бөмбөгийн холбооны улирлын тоглолтууд явагдаж өндөрлөлөө. Өнөөдөр 2 тоглолт байсан нь Нью-Йорк Никс, Даллас Маверикс болон Лос-Анджелес Клипперс, Сан-Антонио Сперс багуудын учраа байлаа.

Эхний тоглолт Даллас Мавериксийн талбайд болж 2 багийн тоглолт эхнээсээ сонирхолтой болж тоглолтын эхний хагаст Нью-Йорк Никс багийн бага зэргийн давамгайллаар өндөрлөсөн хэдий ч 2-р хагаст Далласчуудын тоглолт сэргэж онооны харьцааг тэнцүүлж улмаар шийдвэрлэх 4-р үед бага зэргийн давамгайлал үзүүлж 99-94 харьцаатайгаар ээлжит хожилоо авч чадлаа.

Өнөөдрийн хожилыг авч чадсанаар Даллас баг Өрнөд бүсийн 5-р байраар жагсаж чадлаа.

Уг тоглолтонд Даллас Мавериск багаас Жасон кидд 16 Оноо, 7 с.б.а, 4 а.дамж, Нью-Йорк Никс багаас Крис духонь 24 Оноо, 2 с.б.а, 7 а.дамж хийж тус тус багаа тэргүүлсэн байна.

Нөгөө тоглолтод Өрнөдийн 2 баг учраа таарлаа. Тоглолт Сан-Антонио Сперсийн талбайд болсон ба Тоглолтын эхний хагас дуусахад 2 багийн онооны харьцаа 1 байлаа. 2-р хагаст талбайн эзэд тоглолтыг бүрэн эргүүлж 3-р үеийн эхэнд талбайн эздээс майкл финли 3 удаа дараалан холын зайн шидэлтээ амжилттай болгосноор оноогоор тасарч чадсан төдийгүй шийдвэрлэх 4-р үед давуу байдлаа хадгалсаар тоглолтыг 104-86 харьцаагаар төгсгөж чадлаа.

Тоглолтонд Сан-Антонио Сперс багаас Францын легионер Тони Паркер 19 Оноо, 3 с.б.а, 4 а.дамж, Лос-Анджелес Клипперс багаас залуу тоглогч Ал Торнтон 21 Оноо, 5 с.б.а, 1 а.дамж хийж тус тус багаа тэргүүлсэн байна.

Лос-Анджелес Клипперс багийн хувьд энэ урирлыг тун тааруухан амжилттайгаар үргэлжлүүлж байгаа бөгөөд өнөөдөр хожигдсоноор 9 дэх дараалсан хожигдлолоо авлаа. Тус багийн үндсэн тоглогчид болох Барон давис, Крис Каман, Зак Рандолф нар гэмтэлтэй байгаа нь ч үүнтэй холбоотой. Эсрэгээрээ Сан-Антонио Сперсчүүд өнөөдөрийн ялалтыг байгуулсанаар хэсэгтээ 2-р байр эзэлж байна.

Өнөөдрийн байдлаар багуудын хожил хожигдолын харьцааг танилцуулбал:

Дорнод Бүс

1. Cleveland

2. Boston

3. Orlando

4. Atlanta

5. Detroit

6. Miami

7. New Jersey

8. Milwaukee

9. Philadelphia

10. Chicago

11. Toronto

12. New York

13. Indiana

14. Charlotte

15. Washington

Өрнөд бүс

1. LA Lakers

2. San Antonio

3. Denver

4. New Orleans

5. Dallas

6. Portland

7. Houston

8. Phoenix

9. Utah

10. Memphis

11. Minnesota

12. Golden State

13. LA Clippers

14. Sacramento

15. Oklahoma City

Жаахан толгойгоороо сэтгэе

http://doctor.blog.gogo.mn — Thu, 3 Jul 2008 13:40:24 ULAST

Өнгөрсөн өдрүүдэд болсон явдалыг ажиглаж дүгнэж суулаа, түүндээ бас дүгнэлт хийлээ. Яагаад өнгөрсөн өдрүүд гэж хэлсэн нь урд шөнийн үймээн сонгуулийн өдрөөс л эхлэлтэй. Сонгуулийн үр дүнг Хувьсгалт намынхан бахархалтайгаар зарлах мөчид олон мянган ардчилалыг дэмжигч зүрхэндээ шар ус хуруулан сэтгэл дундуур болсон. Яагаад Монгол улсад сонгуулийн хуудасыг тоолчих 1000 дотор тоо мэддэг хүн олдохгүй заавал Хувьсгалт намын гишүүд тоолох ёстой юм бэ? Сонгууль будлиантсан жишээнүүд ар араасаа чих дэлгийлгэж нүд бүлтийлгэж байна. Хонгор сумынхан бүтэн 1 жил буюу 365 хоног хачигтай хамуутайгаараа дуудуулж доромжлуулсаныхаа төлөө хувьсгалт намыг 100% дэмжжээ. Үнэнч шударга төлөв даруу намын дарга маань 12000 хүнийг 7 хоногийн дотор Сүхбаатар дүүрэгт суурьшуулж чадсан. Туул голын загаснуудыг хортой усанд өөрсдийн буруугаас хордсон гээд хэлэх нь холгүй байсан засаг даргадаа ХанУулчууд дахин нэг итгэж азаа үзэхээр шийджээ. Энэ мэт олон жишээг нам эвсэлүүд дурдаж байгаа. Сонгуулийн дүн будлиантлаа энэ босогчидын босох болсон шалтгаан. Яагаад босогчид гэсэн бэ гэвэл Аливаа улсад үзэл бодолоо илэрхийлж жагсаал хийх түүнээсээ үүдэж бослого гаргасан хүмүүсийг босогчид гэж нэрлэдэг байх л даа. Цуглааныг өдөржин оройжин ажиглалаа, жагсаалыг өдөр нь намжаах боломж аль аль талд байсан. Харамсалтай нь эрх баригч хүчинд тийм сонирхол байсангүй. Гэтэл жагсагчидын дунд үймээн дэгдээгчид шургалаад жинхэнэ бослого болгоод жагсагчид маань босогчид болж хувирсан. Ингэж алга урвуулах мэт хувиргах нь хэнд ашигтай вэ? Хамтдаа түүхийг дахин дурсая. Хятад улсад дарагдсан Оюутны их жагсаалыг хэрхэн яаж дарагдсаныг хүн бүхэн санадаг. Энэ жагсаал өчигдөрийн л жагсаалтай адил оюутан залуус санал нийлэхгүй байгаа зүйлээ ил гаргаж төр засагтаа шаардлага тавьсан. Жагсаалын зорилго нь тухайн үеийн улс төрийн хүчний үнэн нүүр төрхийг дэлхий нийтэд ил болгох аюул нүүрлэмэгц тагнуулын тусгай ажилтануудыг иргэдийн дунд нэвтрүүлж жагсаалыг бослого болгосон. Аа харин эцэст нь оюутан залуусыг хэрхэн яаж газрын хөрснөөс арчсан бас хэрхэн яаж хурдан цэвэрлэсэн билээ. Энийг хэн ч мартаагүй, мартах ч учиргүй үнэн. Өчигдөр Монголд маань бас л ийм хэрэг болоод өнгөрсөн. Өдөржин бас оройжин зүгээр л хүлээгээд байсан. Жагсаал дунд байсан хутган үймүүлэгчид харин энэ хооронд ажилаа сайн хийсэн, сайхан ч шалтаг бий болгосон. 12 цаг болж Ерөнхийлөгч маань зарлигаа гаргасан. Харин эндээс эхэлж төлөвлөгөө хэрэгжиж эхэлсэн бас иргэдээ хядаж эхэлсэн. Ямар ч ардчилсан нийгэм нүцгэн гараараа тэмцэж байгаа иргэдрүүгээ гал нээдэггүй. Жинхэнэ сумаар гэдгийг битгий мартааарай. Гэгээтэй үед харин ичсэн нэрэндээ резинэн сумаар буудсан. Жирийн иргэдээ ардаас нь хөөж очоод гэрэл тусгаж байгаад буудаж байхыг би лав дуулаагүй кинон дээр ч гардаггүй байх. Дорнодын талд хулгайн анчид зээрийг хөөж байгаад гэнэт хурц гэрэл тусгаад шүршиж алдаг гэж дуулсын байна. Тэхээр иргэд маань адгуустай адил болж таарч байна. Энийг хэн ч үгүйсгэж чадахгүй гэрч ч бий. Одоо шархадсан болон буудуулж нас барсан хүмүүсийн талаарх мэдээлэл хаа ч цацагдахгүй байна. Эрхэм хайрт ерөнхийлөгчийн маань зарлигт бүх мэдээллийн хэрэгсэлийг хаасан, интернетийг хүртэл хязгаарласан байна. Гадаадаас Монголын мэдээллийн портал сайтуудруу хандах хандалтыг хаачихсан, ажиллаж байгаа хэд нь бүгд өндөр хяналтын дор мэдээллээ цацаж байна. Ганцхан Монголын үндэсний ТВ гарч байна, харин тэрүүгээр нь Цагдаагийн дарга бид гал нээгээгүй буутай хүмүүс зугтаж байгаа хүмүүсрүү буудсан гээд улайхгүй хэлээд зогсож байна. Бидэнд өнөөдөр ийм хязгаарлагдмал нийгэм хэрэгтэй бас дутаж байсан гэж үү? Одоо энэ цөөхөн хэдэн мэдээллийн хэрэгсэлээр жагссан иргэдийг буруушааж бас гүтгэж байна. Тийм болохоор мэдээллээр дутмаг байгаа ард иргэд жагссан иргэдээ буруушааж С.Баярыг шагшин мартаж байна. Арга ч гүй хүн болгонд ийм үзэлийг суулгахаар хичээж байна. С.Баяр ч үймээн дэгдээгчидийг дарсан үндэсний баатар болохоор ингэж магтуулах эрхтэй, харин хэрхэн яаж дарж авсанаа шударгаар хэлэх үлдсэн, чадах болов уу? Одоо ирээдүйд юу болох талаар хамтдаа таамаглал дэвшүүлэх үү? 1-р хувилбар. Онц байдал зарласан нэрийн дор луйвардсан сонгуулийн дүнгээ зарлана, түүнтэй нь эсэргүүцэх хүчин гарч ирж чадахгүй. Яагаад гэвэл энэ үед хэн ч жагссан зэвсгийн хүчээр дарагдана. Ингээд Хувьсгалт нам яална. Хувьсгалт нам ард иргэдээ яаж луйвардаж яаж дарангуйлж чаддагаа урд шөнө харуулсан. Коммунизм ирж байна гэсэн үг. 2-р хувилбар. Сонгуулийг хүчингүй болгож сайн шударга гэж өөрсдийгөө харуулна. Бүх нийтийн дунд санал асуулга явуулна. Энэ нь ямар утгатай вэ гэвэл Монголд ийм замбараагүй олон нам парламент хэрэгтэй юу аль эсвэл С.Баяр шиг мундаг удирдагч хэрэгтэй юу гэсэн санаатай(Би зүгээр л таамаглал дэвшүүлж байна)зүйл хийх байх. Мэдээж ард түмэн маань Мэргэн удирдагч хэрэгтэй ганц байхад болно гэж хариулна. Эндээсээ үүдээд тун удахгүй үндсэн хуульдаа засвар хийнэ(Одоогийн эрх баригч хүчин тэр үед ажиллаж байх нь мэдээж, бас олонхиороо гэдэг үгээ урдаа барьж хуульд засвар хийнэ). Сонгууль болдогоороо болно, харин энэ үед луйвар хийлгүй С.Баяр ерөнхийлөгч болно. Ингээд Монгол улс Парламентийн засаглал биш Ерөнхийлөгчийн засаглалтай болно. Монгол шиг эдийн засаг нь тогтож амжаагүй улсад энэнээс илүү сүйрэл хаа ч байхгүй. За ингээд бидэнд ийм 2 сонголт байгаа гэж харагдаж байна. Дахиад жаахан бодьё, аливаа зүйлийг намчирхалгүй Монгол хүний ухаанаар шийдье, дүгнэе.

Эх орон дуудаж байна

http://doctor.blog.gogo.mn — Wed, 23 Apr 2008 15:35:55 ULAST

Эрх мэдэл шуналд дөнгөлөгдсөн улаан нүдтэнгүүд, Энгүй уудам нутгийг минь тасчин идэж байна, Элээх он цагт монгол монголоороо үлдсэн болохоор, Эцэг өвгөдийн минь сүнс биднийг ивээх бизээ, Хорон санаатны сувдаг хүслээс болж, Хосгүй гайхамшигт байгаль минь сүйдэж байна, Хордож гандсан шороо тэвэрч үлдэх гээгүй л юм бол, Хориглож тэмцэж эхлэх болжээ залуусаа!!!